कल्याण पूर्वच्या राजकारणात एक अत्यंत मोठा आणि अनपेक्षित ट्विस्ट आला आहे. भाजपमध्ये प्रवेश करण्यासाठी पूर्णपणे तयार झालेले महत्त्वाचे नेते महेश गायकवाड यांनी ऐनवेळी यू-टर्न घेतला आहे. त्यांनी पुन्हा एकदा शिवसेना शिंदे गटात घरवापसी केली आहे. उपमुख्यमंत्री एकनाथ शिंदे आणि खासदार श्रीकांत शिंदे यांच्या मध्यरात्रीच्या मोठ्या खलबतांमुळे ही घडामोड घडल्याचे पाहायला मिळत आहे. इतकंच नव्हे तर त्यांच्यावर कल्याण पूर्व आणि उल्हासनगर या महत्त्वाच्या विधानसभा मतदारसंघांची संपर्कप्रमुख म्हणून मोठी जबाबदारी सोपवण्यात आली आहे.
पुन्हा राजकीय वजन प्राप्त
महेश गायकवाड यांचा शिंदे गटातून बाहेर पडण्याचा निर्णय गणपत गायकवाड गोळीबार प्रकरणातून सुरू झाला. गणपत गायकवाड यांनी गोळीबार केल्यानंतर, महेश गायकवाड यांनी महायुतीच्या विरोधात भूमिका घेतली. महायुतीचे अधिकृत उमेदवार सुलभा गायकवाड यांच्या विरोधात बंडखोरी करत उमेदवारी अर्ज दाखल केला. शिंदे गटाने तात्काळ त्यांची हकालपट्टी केली. ज्यामुळे महायुतीत स्थानिक पातळीवर तणाव निर्माण झाला होता.या हकालपट्टीनंतर, महेश गायकवाड यांनी स्थानिक स्वराज्य संस्थांच्या निवडणुकीच्या तोंडावर आपली राजकीय ताकद कायम ठेवण्यासाठी पर्यायी मार्ग शोधण्यास सुरुवात केली.
महेश गायकवाड हे भाजपचे महत्त्वाचे नेते रवींद्र चव्हाण आणि स्थानिक भाजप नेत्यांच्या संपर्कात होते. त्यांचा भाजपमध्ये अधिकृत प्रवेश होणार होता. याची तयारीही पूर्ण झाली होती. भाजप प्रवेशाची तयारी अंतिम टप्प्यात असताना शिंदे गटाला डॅमेज होण्याचा धोका लक्षात आला. उपमुख्यमंत्री एकनाथ शिंदे आणि खासदार श्रीकांत शिंदे यांनी थेट मध्यरात्री महेश गायकवाड यांच्याशी संपर्क साधला आणि मनधरणी केली. केवळ घरवापसी नव्हे, तर महत्त्वाच्या संपर्कप्रमुखपदाची ऑफर दिली. संपर्कप्रमुख हे पक्ष संघटनेतील एक अत्यंत महत्त्वाचे पद मानले जाते, ज्यामुळे महेश गायकवाड यांना त्यांच्या मतदारसंघात पुन्हा राजकीय वजन प्राप्त झाले आहे.
इन्कमिंगचा प्लॅन शेवटच्या क्षणी फेल ठरला
महेश गायकवाड यांच्या या निर्णयामुळे कल्याण पूर्व आणि उल्हासनगरच्या राजकारणावर मोठे परिणाम होणार आहेत. भाजपच्या हातातून एक ताकदवान ओबीसी चेहरा काढून घेत, शिंदे गटाने कल्याणमध्ये आपले संघटन आणि स्थानिक नेतृत्वावरील पकड मजबूत केली आहे. मात्र ऐन निवडणुकीच्या तोंडावर भाजपला हा मोठा धक्का मानला जात आहे. कारण त्यांचा इन्कमिंगचा प्लॅन शेवटच्या क्षणी फेल ठरला आहे. मात्र भाजपने नुकतेच दीपेश म्हात्रे यांना पक्षात घेऊन शिंदे गटाला आव्हान दिले आहे.
Welcome to Mhnokari.in – a trusted platform committed to providing the latest, most accurate, and verified updates on government jobs, exam results, admit cards, recruitment notifications, and career opportunities across Maharashtra India. Our team prioritizes thorough research, strict fact-checking, and clear presentation to ensure every user receives reliable, easy-to-understand, and trustworthy information.
