Childrens Day 2025: आज 14 नोव्हेंबर, बालदिन. या विशेष दिवशी बॉलिवूडमधील असे काही कलाकार ज्यांनी लहानपणी चाइल्ड आर्टिस्ट म्हणून काम केले, त्यांच्या शूटिंगशी संबंधित काही अनोख्या आणि गोंडस आठवणी पुन्हा समोर आल्या आहेत. आलिया भट्ट, ऋतिक रोशन, कुणाल खेमू आणि उर्मिला मातोंडकर यांसारख्या स्टार्सनी आपल्या अभिनयाने मोठेपणी तर चमक दाखवलीच, पण लहानपणीही ते सेटवर सगळ्यांचे लाडके होते.
ऋतिक रोशन – शॉट चुकला तरी रजनीकांत करत होते कव्हर
ऋतिकने रजनीकांतसोबत ‘भगवान दादा’ या चित्रपटात बालकलाकार म्हणून काम केले होते. एका डॉक्यू-ड्रामा मध्ये ऋतिकने सांगितले की शूटिंगदरम्यान तो वारंवार शॉट खराब करत असे. पण डायरेक्टर रागावण्याआधीच रजनीकांत स्वतःवरच दोष घेत म्हणत, “सॉरी, माझी चूक झाली.”
प्रत्यक्षात चूक ऋतिकची असायची, पण रजनीकांत त्याला वाईट वाटू नये म्हणून नेहमी त्याची बाजू घेत. ऋतिक म्हणतो, “मी लहान होतो, पण रजनी सरांनी माझ्यावर जे प्रेम केलं ते मी कधी विसरणार नाही.”
आलिया भट्ट – 6 वर्षांची नटखट डिमांड : ‘माझी मेकअप रूम कुठे आहे?’
फिल्म ‘संघर्ष’ मध्ये आलिया भट्टने फक्त 6 वर्षांची असताना चाइल्ड आर्टिस्ट म्हणून काम केले. दिग्दर्शिका तनुजा चंद्रा यांनी सांगितले की आलिया सेटवर आली आणि पहिला प्रश्न विचारला. “माझी मेकअप रूम कुठे आहे?”
टीमने सांगितले की तिच्यासाठी वेगळी मेकअप रूम नाही. तेव्हा छोटी आलिया म्हणाली, “माझ्यासाठी मेकअप रूम हवी!”
आज आलियाला हा किस्सा नीट आठवत नाही, पण हा सेटवरील सर्वात गोंडस किस्सा मानला जातो.
कुणाल खेमू – स्वतः निवडला चाइल्ड आर्टिस्टचा मार्ग
‘हम हैं राही प्यार के’ आणि ‘जख्म’ सारख्या चित्रपटांमधून कुणाल खेमूला खूप लोकप्रियता मिळाली. एका इंटरव्ह्यूत त्याने सांगितले की त्याने स्वतःच सिनेमात काम करण्याचा निर्णय घेतला. तो म्हणतो, “पप्पांनी विचारलं की एक्टर बनशील का? मी लगेच हो म्हटलं आणि माझा चाइल्ड आर्टिस्टचा प्रवास सुरू झाला.”
सेटवर तो शांत, पण घरी खूप खोडकर असायचा.
उर्मिला मातोंडकर – ‘मासूम’च्या सेटवर शबाना आजमींचं आईसारखं प्रेम
फिल्म ‘मासूम’ करताना उर्मिला खूप छोटी होती. एका फोटोशूटदरम्यान ती घाबरलेली आणि बेचैन होती. तेव्हा शबाना आजमींनी तिला जवळ घेऊन शांत केलं आणि खूप प्रेम दिलं.
उर्मिलाने अलीकडेच शबाना आजमींच्या वाढदिवसाला हा किस्सा सांगत म्हणाली, “त्या दिवसापासून आजपर्यंत शबाना जींसोबत माझा खूप खास बंध आहे.”
The post Childrens Day 2025: ऋतिकची चूक, आलियाची डिमांड आणि उर्मिलाचा भावूक क्षण… बॉलीवूड स्टार्सचे गंमतीशीर किस्से appeared first on Dainik Prabhat.
Welcome to Mhnokari.in – a trusted platform committed to providing the latest, most accurate, and verified updates on government jobs, exam results, admit cards, recruitment notifications, and career opportunities across Maharashtra India. Our team prioritizes thorough research, strict fact-checking, and clear presentation to ensure every user receives reliable, easy-to-understand, and trustworthy information.
