नवी दिल्ली : दिल्लीतील रेड फोर्ट परिसरातील कार बॉम्बस्फोटानंतर संपूर्ण देश हादरला असताना, आता विमान वाहतुकीलाही धोका निर्माण झाला आहे. बुधवारी (दि. १२) दुपारी ३.३० च्या सुमारास इंडिगो एअरलाइन्सला मिळालेल्या एका धमकीच्या ईमेलमुळे दिल्ली, मुंबई, चेन्नई, त्रिवेंद्रम आणि हैदराबाद या पाच प्रमुख आंतरराष्ट्रीय विमानतळांवर हाय अलर्ट जारी करण्यात आला आहे. या ईमेलमध्ये या विमानतळांना बॉम्बने उडवून देण्याची धमकी देण्यात आली असून, सायबर सेल आणि पोलिसांनी तात्काळ चौकशी सुरू केली आहे. मात्र, ईमेल पाठवणाऱ्याची ओळख अद्याप लागलेली नाही आणि प्राथमिक तपासात ही धमकी खोटी असल्याचे सूत्रांनी सांगितले.
दिल्लीतील बॉम्बस्फोट प्रकरण ताजे असताना ही धमकी मिळाल्याने सुरक्षितता यंत्रणेत हालचाल सुरू झाली आहे. इंडिगो एअरलाइन्सच्या ग्रिव्हन्स पोर्टलवरून मिळालेल्या या ईमेलमुळे दिल्लीच्या इंदिरा गांधी आंतरराष्ट्रीय विमानतळाच्या टर्मिनल ३ वर विशेष सुरक्षा वाढवण्यात आली आहे. विमानतळ प्रशासनाने प्रवाशांना सूचना जारी करून लवकर पोहोचण्याचे आवाहन केले असून, स्क्रीनिंग प्रक्रिया लांबण्याची शक्यता नोंदवली आहे. दिल्ली पोलिसांनी सांगितले की, या धमकीनंतर सर्व संबंधित विमानतळांवर सावधगिरीने तपासणी करण्यात आली, पण काहीही संशयास्पद सापडले नाही.
मुंबई-वाराणसी एअर इंडिया एक्सप्रेस विमानात बॉम्ब धमकी
या धमकीच्या सुमाराच मुंबईहून वाराणसीकडे जाणाऱ्या एअर इंडिया एक्सप्रेसच्या विमानाला बॉम्ब धमकी मिळाली. विमान हवेत असताना ही माहिती मिळाल्याने वाराणसीच्या लाल बहादूर शास्त्री आंतरराष्ट्रीय विमानतळावर हाय अलर्ट घोषित करण्यात आला. पायलटने तात्काळ आपत्कालीन लँडिंगची विनंती केली आणि विमान सुरक्षितपणे उतरवण्यात आले. सर्व प्रवाशांना (सुमारे १५०) विमानातून बाहेर काढून आयसोलेशन बेयमध्ये हलवण्यात आले, तर बॉम्ब डिस्पोजल स्क्वॉडने विमानाची कसून तपासणी केली. सुमारे दोन तासांच्या तपासणीनंतर कोणतीही संशयास्पद वस्तू सापडली नाही आणि धमकी खोटी असल्याचे जाहीर करण्यात आले.
एअर इंडिया एक्सप्रेसच्या प्रवक्त्याने सांगितले, “विमानाला सुरक्षा धोका असल्याची माहिती मिळताच बॉम्ब थ्रेट ॲसेसमेंट कमिटीला कळवण्यात आले. सर्व प्रोटोकॉलनुसार कारवाई करण्यात आली आणि प्रवाशांची सुरक्षितता प्राधान्य होती.” विमानतळावर राष्ट्रीय सुरक्षा रक्षक (एनएसजी) आणि सीआयएसएफच्या पथकांनी गस्त वाढवली असून, प्रवाशांना पाणी, स्नॅक्स आणि इतर सुविधा पुरवण्यात आल्या.
The post Threats to Bomb Airports : खळबळजनक ! दिल्ली बॉम्बस्फोटानंतर ‘या’ विमानतळांना बॉम्बने उडवण्याची धमकी appeared first on Dainik Prabhat.
Welcome to Mhnokari.in – a trusted platform committed to providing the latest, most accurate, and verified updates on government jobs, exam results, admit cards, recruitment notifications, and career opportunities across Maharashtra India. Our team prioritizes thorough research, strict fact-checking, and clear presentation to ensure every user receives reliable, easy-to-understand, and trustworthy information.
