Rohini Acharya : बिहार विधानसभा निवडणुकीच्या निकालानंतर राष्ट्रीय जनता दलाला (आरजेडी) मोठा धक्का बसला असताना, आता पक्ष प्रमुख लालू प्रसाद यादव यांच्या कुटुंबातच फूट पडली आहे. लालूंची छोटी मुलगी आणि तेजस्वी यादव यांची बहिणी रोहिणी आचार्य यांनी शनिवारी एक्सवर एक रहस्यमय पोस्ट करत राजकारण सोडण्याची आणि कुटुंबाशी सर्व संबंध तोडण्याची घोषणा केली आहे. ही घोषणा आरजेडीच्या महागठबंधनला झालेल्या पराभवानंतर एका दिवसाने आली असून, ती कुटुंबातील अंतर्गत कलह आणि पक्षांतर्गत संघर्षाची पकड दाखवते.
रोहिणींच्या पोस्टमध्ये त्यांनी राज्यसभा खासदार आणि तेजस्वी यादव यांचे निकटवर्तीय संजय यादव तसेच रमीज यांच्यावर थेट आरोप केले. “मी राजकारण सोडत आहे आणि मी माझ्या कुटुंबासोबतचे संबंधही तोडत आहे. संजय यादव आणि रमीज यांनी मला हेच करायला सांगितले होते. सगळ्या गोष्टींची जबाबदारी मी घेत आहे,” असं रोहिणी म्हणाल्या. ही घोषणा कुटुंबातील वाढत्या मतभेदांची आणि पक्षातील सत्तासंघर्षाची चित्रण करते, ज्यात रोहिणींनी स्वतःला सर्व दोषी करून कुटुंबाला संरक्षण देण्याचा प्रयत्न केला असावा, असा राजकीय विश्लेषकांचा अंदाज आहे.
तेजप्रताप यादवांचा बंडखोरी
हे रोहिणींच्या घोषणेचं पहिलं प्रकरण नाही. यावर्षी सुरुवातीला लालू प्रसाद यादव यांनी मोठा मुलगा तेजप्रताप यादव यांच्यावर कारवाई केली होती. तेजप्रताप यांना आरजेडीमधून सहा वर्षांसाठी निलंबित करून कुटुंबातूनही काढून टाकलं होतं. ‘अनुचित वर्तन’ आणि कुटुंब मूल्यांचं उल्लंघन असं कारण सांगितलं गेलं.
निवडणुकीपूर्वी तेजप्रताप यांनी स्वतंत्र पक्ष जनशक्ती जनता दल काढला आणि महुआमधून अपक्ष उमेदवारी दाखल केली. रोहिणींनी मात्र त्यांच्या या निर्णयाला पाठिंबा दिला होता आणि एक्सवर “माझ्या भावाला माझे आशीर्वाद आहेत” असं म्हटलं होतं. आता रोहिणींच्या या पावलाने यादव कुटुंबाला दुसरा मोठा धक्का बसला आहे. यामुळे आरजेडीची अंतर्गत एकजूट आणखी कमकुवत झाली आहे.
The post Rohini Acharya : बिहारच्या निकालानंतर लालू प्रसाद यादवांना दुसरा धक्का, मुलीची मोठी घोषणा appeared first on Dainik Prabhat.
Welcome to Mhnokari.in – a trusted platform committed to providing the latest, most accurate, and verified updates on government jobs, exam results, admit cards, recruitment notifications, and career opportunities across Maharashtra India. Our team prioritizes thorough research, strict fact-checking, and clear presentation to ensure every user receives reliable, easy-to-understand, and trustworthy information.
