प्रभात वृत्तसेवा
लोणीकंद – स्थानिक स्वराज्य संस्थांच्या निवडणुकीचे बिगुल वाजल्याने पुणे जिल्ह्यासह शिरूर हवेलीत राजकारणात मोठी रंगत आली आहे. आचारसंहिता लागू होण्याआधी मतदार राजाला खुश करण्यासाठी इच्छुकांनी कधी नव्हे ते आपल्या तिजोरीला ढील दिली आहे. शिरूर- हवेली विधानसभा मतदारसंघात जिल्हा परिषद गट, पंचायत समिती गणांतील इच्छुकांकडून देवदर्शनासाठी मतदारांना देवदर्शन घडवून आणले जात आहे. पुण्याईचा मार्ग चोखाळणारे इच्छुक मतदारराजावर जाम खुश झाले आहेत.
निवडणूक अटीतटीच्या वळणावर आली तर विठ्ठल कोणता झेंडा घेऊ हाती, अशी वेळ येणार आहे. सध्या इच्छुकांच्या देवदर्शनाने मतदार धर्मसंकटात सापडला आहे.शिरूर- हवेली विधानसभा मतदारसंघात महाकाल, ओंकारेश्वर, मथुरा, काशी, अयोध्या, अजमेर, चैत्यभूमी, अक्कलकोट, तुळजापूर, बाळू मामासह जाळीचा देवाचे दर्शन घडवण्यासाठी आणि हा देव आपल्यालाच प्रसन्न करून घेण्यासाठी चढाओढ लागली आहे.
परंतु तालुक्यातील हुशार मतदार मात्र, निवडणुकीनंतर हे इच्छुक आपल्या हाताला लागणार नसल्याचे जाणून असल्याने सर्वच इच्छुकांच्या देवदर्शनाला जात असल्याचे पाहायला मिळत आहेत. मात्र, देवदर्शन वरून आल्यावर नक्की मतदान कोणाला करायचे या धर्मसंकटात मतदार तर आहेत. त्यासोबत सर्वच इच्छुक आपल्या पायाशी येत असल्याने देव तरी नक्की कोणाला पावणार हेही आगामी काळातच पाहायला मिळणार असल्याची चर्चा शिरूर हवेली तालुक्यात सुरू आहे.
स्थानिक स्वराज्य संस्थेच्या निवडणुकीत शिरूर- हवेलीमध्ये भाजपा आणि राष्ट्रवादी अजित पवार गटात उमेदवारीसाठी चढाओढ पाहायला मिळत आहे. त्याउलट मोजके मतदारसंघ सोडले तर राष्ट्रवादी शरद पवार गट आणि शिवसेना या प्रमुख पक्षांमधून सद्यातरी कोणी इच्छुक असल्याचे पाहायला मिळत नाही. मात्र, जे इच्छुक आहेत.
ते मात्र सध्या आहे, त्या पक्षांचे जास्त काळ सदस्य नसल्याचे देखील जाणवत आहे. इच्छुक उमेदवारांकडे पक्षनिष्ठा जरी कमी असली तरी उद्योग क्षेत्रातून कमवलेला बक्कळ पैसा आहे. याच पैशाच्या जोरावर काढलेल्या देवदर्शन यात्रेने मतदारराजा तर धर्मसंकटात आहेच. पण देव देखील कोणाला पावणार हे थोड्या दिवसातच पाहायला मिळणार आहे.
देवदर्शन यात्रेने विकासाला खीळ?
स्थानिक स्वराज्य संस्थेच्या निवडणुकीत इच्छुकांकडून देवदर्शन सोडता एकही विकासाचा मुद्दा बोलताना पाहायला मिळत नाही. विधानसभेच्या निवडणुकीनंतर मतदारांची पूर्णपणे नाळ ओळखल्याने मतदारांना विकासकामे नाही तर देवदर्शन यात्रेने खुश करता येत असल्याचे जाणवल्याने इच्छुकांच्या देवदर्शन यात्रेने विकासकामांना खीळ बसली आहे. त्यात नागरिकांनी नवल वाटून घेऊ नसल्याचे जाणकार मतदारांकडून बोलले जात आहे.
The post Pune Local Election : विठ्ठला, कोणता झेंडा घेऊ हाती? इच्छुकांच्या देवदर्शनाने मतदारही धर्मसंकटात appeared first on Dainik Prabhat.
Welcome to Mhnokari.in – a trusted platform committed to providing the latest, most accurate, and verified updates on government jobs, exam results, admit cards, recruitment notifications, and career opportunities across Maharashtra India. Our team prioritizes thorough research, strict fact-checking, and clear presentation to ensure every user receives reliable, easy-to-understand, and trustworthy information.
