प्रभात वृत्तसेवा
जांबूत – राज्याचे माजी मंत्री दिलीप वळसे पाटील यांनी शुक्रवार (दि. 7) रोजी मृत रोहन बोंबे यांच्या घरी भेट देऊन कुटुंबीयांचे सांत्वन केले. मात्र या भेटीदरम्यान हृदय पिळवटून टाकणारे दृश्य पाहून वळसे पाटील स्वतःचा आवेश गमावून अश्रूंना वाट मोकळी करून दिली.साहेब, माझ्या बाळाला पोलीस व्हायचं व्हतं ओ… पण माव्ह स्वप्न अपुरं ठेवून गेला… मला सरकाराचं काही नको, फक्त माझा रोहन परत द्या! अशी आर्त हाक रोहनचे वडील विलास बोंबे यांनी फोडताच वळसे पाटील यांचे डोळे पाणावले.
त्यानंतर रोहनची आई दु:खाने म्हणाली, माझा रोहन आणि ऋतिक राम-लक्ष्मणासारखी जोडी होती, पण माझा राम आता गेला… तिच्या या शब्दांनी वळसे पाटील भावनिक झाले आणि त्यांना हुंदका अनावर झाला. भावनिक क्षणी वळसे पाटील म्हणाले, या कुटुंबाचे दुःख हे माझेच दुःख आहे. मला एकच मुलगी आहे, पण आजपासून ऋतिक हा माझा मुलगा आहे. त्याच्या संपूर्ण शिक्षणाची आणि भविष्याची जबाबदारी मी स्वतः घेतो.
तसेच त्यांनी जाहीर केले की, मयत रोहनचे वडील विलास हे माझ्या भावासमान आहेत. कुटुंबाला जेव्हा जेव्हा गरज भासेल, तेव्हा त्यांनी थेट माझ्याशी संपर्क साधावा. शासनस्तरावरून आणि वैयक्तिकरित्या दोन्ही मार्गांनी मी या कुटुंबासाठी उभा आहे.कुटुंबाच्या दारिद्र्यपूर्ण परिस्थितीची पाहणी केल्यानंतर वळसे पाटील यांनी अधिकार्यांना तत्काळ सूचना देत म्हटले की, या कुटुंबासाठी शासनाच्या मदतीबरोबरच मी स्वतः घर बांधून देण्याचा प्रयत्न करणार आहे. तसेच या वस्तीपर्यंत जाणार्या रस्त्याचे काम तातडीने सुरू करण्यात यावे.
The post “साहेब, माझा रोहन परत द्या!”आईचा हंबरडा ऐकून वळसे पाटलांच्या डोळ्यात पाणी, म्हणाले.. appeared first on Dainik Prabhat.
Welcome to Mhnokari.in – a trusted platform committed to providing the latest, most accurate, and verified updates on government jobs, exam results, admit cards, recruitment notifications, and career opportunities across Maharashtra India. Our team prioritizes thorough research, strict fact-checking, and clear presentation to ensure every user receives reliable, easy-to-understand, and trustworthy information.
