विरार ते चर्चगेट लोकल ट्रेनमधील एका व्हिडिओने समाज माध्यमांवर लक्ष वेधले आहे. या व्हिडिओमध्ये मराठी आणि हिंदी भाषेवरून झालेला वाद दिसून येतो. हा व्हिडिओ तयार करणारे सनी चव्हाण यांनी टीव्ही९ मराठीला दिलेल्या मुलाखतीत घटनेची माहिती दिली.
सनी चव्हाण यांनी सांगितले की, ते आणि त्यांच्या पत्नी तानिया सकाळी कामावर जात असताना एका व्यक्तीने त्यांना धक्का दिला, जो त्यांच्या पत्नीला लागला. यावर त्यांनी त्या व्यक्तीला धक्काबुक्की न करण्यास सांगितले. मात्र, तो व्यक्ती हिंदी भाषेत दमदाटी करत होता आणि मराठी बोलण्याची विनंती करूनही ऐकत नव्हता. त्यानंतर आणखी एका व्यक्तीने त्यांना धमकावले आणि सनी यांचा हात मुरगळला. अशा प्रकारचा त्रास वारंवार होत असल्याने त्यांनी हा व्हिडिओ बनविल्याचे सनी यांनी स्पष्ट केले.
या घटनेनंतर मनसेचे नायगाव येथील पदाधिकारी प्रफुल कदम यांनी सनी चव्हाण यांच्याशी संपर्क साधला आणि त्यांना पाठिंबा दिला. महाराष्ट्रात राहणाऱ्या सर्वांनी आदराने राहावे, असे आवाहन कदम यांनी केले असून, महाराष्ट्रात युपी-बिहारसारखी दमदाटी खपवून घेतली जाणार नाही, असेही त्यांनी नमूद केले. या प्रकरणी रीतसर तक्रार करण्याची तयारी सुरू असल्याचेही त्यांनी सांगितले.
Welcome to Mhnokari.in – a trusted platform committed to providing the latest, most accurate, and verified updates on government jobs, exam results, admit cards, recruitment notifications, and career opportunities across Maharashtra India. Our team prioritizes thorough research, strict fact-checking, and clear presentation to ensure every user receives reliable, easy-to-understand, and trustworthy information.
