रोहित शर्मा अव्वल स्थानी कायम –
ताज्या एकदिवसीय क्रमवारीनुसार, रोहित शर्मा अव्वल स्थानी कायम आहे. त्याच्यापाठोपाठ अफगाणिस्तानचा इब्राहिम झाद्रान 764 गुणांसह दुसऱ्या स्थानावर आहे. न्यूझीलंडचा डॅरिल मिचेल 746 गुणांसह तिसऱ्या क्रमांकावर कायम आहे, तर भारताचा युवा फलंदाज शुबमन गिल 745 गुणांसह चौथ्या स्थानावर आहे.
या क्रमवारीत सर्वात मोठा बदल विराट कोहलीच्या स्थानात झाला आहे. आता कोहली 725 गुणांसह पाचव्या स्थानावर पोहोचला आहे. विशेष म्हणजे, ऑस्ट्रेलियाविरुद्धच्या वनडे मालिकेनंतर त्याने कोणताही वनडे सामना खेळलेला नाही, किंवा त्याच्या गुणांमध्येही बदल झालेला नाही, तरीही तो टॉप-5 मध्ये पोहोचला आहे. मागील क्रमवारीत तो सहाव्या स्थानावर होता.
बाबरच्या घसरणीमुळे विराटला फायदा –
विराटला फायदा होण्याचे कारण म्हणजे खराब फॉर्मशी झगडणाऱ्या बाबरला दोन स्थानांचे मोठे नुकसान झाले आहे. त्याचे गुण आता 709 झाले असून, तो पाचव्या स्थानावरून थेट सातव्या क्रमांकावर घसरला आहे. त्यामुळे विराट कोहलीसह श्रीलंकेच्या चरिथ असलंकालाही एका स्थानाचा फायदा झाला आहे. असलंका आता सातव्यावरून सहाव्या स्थानावर पोहोचला आहे. याशिवाय, आयर्लंडचा हॅरी टेक्टर 708 गुणांसह आठव्या आणि भारताचा श्रेयस अय्यर 700 गुणांसह नवव्या स्थानावर कायम आहे.
राशिद खान गोलंदाजांमध्ये नंबर-वन –
एकदिवसीय गोलंदाजांच्या क्रमवारीत अफगाणिस्तानचा फिरकीपटू राशिद खान पहिल्या स्थानावर कायम आहे. दक्षिण आफ्रिकेचा केशव महाराज दुसऱ्या क्रमांकावर टिकून आहे. तर, इंग्लंडचा वेगवान गोलंदाज जोफ्रा आर्चरने दोन स्थानांची झेप घेत तिसरे स्थान पटकावले आहे.
भारताचा फिरकीपटू कुलदीप यादवनेही एक स्थान सुधारत सातव्यावरून सहाव्या क्रमांकावर मजल मारली आहे. सध्या, कुलदीप यादव हाच टॉप-10 मध्ये असलेला भारताचा एकमेव गोलंदाज आहे. त्याच्याव्यतिरिक्त, रवींद्र जडेजा 13व्या आणि मोहम्मद सिराज 16व्या स्थानावर आहेत.
The post ICC ODI Rankings : आयसीसी क्रमवारीत मोठा उलटफेर! विराट कोहलीने न खेळताच बाबर आझमला टाकलं मागे appeared first on Dainik Prabhat.
Welcome to Mhnokari.in – a trusted platform committed to providing the latest, most accurate, and verified updates on government jobs, exam results, admit cards, recruitment notifications, and career opportunities across Maharashtra India. Our team prioritizes thorough research, strict fact-checking, and clear presentation to ensure every user receives reliable, easy-to-understand, and trustworthy information.
