मुंबई: लाखो चाहत्यांच्या मनावर अधिराज्य गाजवणारे ६०-७० च्या दशकातील सुपरस्टार धर्मेंद्र यांची तब्येत अचानक बिघडल्याची बातमी समोर आली होती. श्वास घेण्यास त्रास होत असल्याने त्यांना तातडीने मुंबईतील ब्रीच कँडी रुग्णालयात दाखल करण्यात आले. माध्यमांतील काही वृत्तानुसार, त्यांना व्हेंटिलेटर सपोर्टवर ठेवण्यात आल्याचेही म्हटले जात होते, ज्यामुळे त्यांच्या चाहत्यांमध्ये चिंतेचे वातावरण निर्माण झाले होते.
व्हेंटिलेटरची बातमी अफवा –
धर्मेंद्र यांच्या तब्येतीबद्दल चर्चांना उधाण आले असताना, आता अभिनेते सनी देओल यांच्या टीमने अधिकृत माहिती देत व्हेंटिलेटरच्या बातम्या खोट्या असल्याचे स्पष्ट केले आहे. टीमने जारी केलेल्या निवेदनात म्हटले आहे की, “अभिनेते धर्मेंद्र हे व्हेंटिलेटर सपोर्टवर नाहीत. त्यांच्यावर डॉक्टरांच्या निगराणीखाली उपचार सुरू असून, त्यांच्या प्रकृतीत सुधारणा होत आहे. काळजी करण्यासारखे काही नाही.”
हेमा मालिनी रुग्णालयात उपस्थित –
धर्मेंद्र यांच्या प्रकृतीबाबत सतत नवनवीन माहिती समोर येत आहे. दरम्यान, त्यांच्या पत्नी आणि अभिनेत्री हेमा मालिनी त्यांना भेटण्यासाठी ब्रीच कँडी रुग्णालयात पोहोचल्या आहेत. पापाराझींच्या कॅमेऱ्यात त्यांचा व्हिडीओ कैद झाला आहे, ज्यात त्यांची गाडी रुग्णालयात जाताना दिसत आहे.
जवळच्या मित्राने दिली माहिती –
अभिनेते अवतार गिल यांनी माध्यमांशी बोलताना सांगितले की, “धर्मेंद्र यांची तब्येत काही दिवसांपासून ठीक नव्हती. आज सकाळी एका जवळच्या व्यक्तीने मला सांगितले की त्यांच्यावर औषधांचा अपेक्षित परिणाम होत नाहीये. मात्र, त्यांच्या सध्याच्या प्रकृतीबद्दल मला जास्त माहिती नाही.”
लेकी अमेरिकेतून रवाना –
सूत्रांच्या माहितीनुसार, धर्मेंद्र यांच्या पहिल्या पत्नी प्रकाश कौर यांच्याकडून त्यांना दोन मुली आहेत – अजिता आणि विजेता. या दोघीही परदेशात राहतात आणि वडिलांच्या तब्येतीच्या बातमीमुळे त्या तातडीने भारतात येण्यासाठी निघाल्या आहेत.
कुटुंबियांकडून गोपनीयतेची मागणी –
वृत्तानुसार, वाढत्या वयोमानामुळे धर्मेंद्र यांच्या आरोग्यावर परिणाम होत आहे आणि ते काही काळापासून त्रस्त आहेत. त्यांचे कुटुंबिय त्यांच्या चांगल्या आरोग्यासाठी प्रार्थना करत आहेत. तसेच, अभिनेत्याची टीम सोशल मीडियावर पसरणाऱ्या अफवा चुकीच्या असल्याचे सांगून त्यांच्या तब्येतीबद्दल योग्य माहिती देत आहे. याचसोबत, कुटुंबियांच्या गोपनीयतेचा आदर करण्याची आणि अफवांवर विश्वास न ठेवण्याची विनंतीही टीमने केली आहे. धर्मेंद्र यांचे सर्व जवळचे लोक हळूहळू रुग्णालयात पोहोचत आहेत.
महत्त्वाची सूचना: धर्मेंद्र यांची प्रकृती स्थिर आहे आणि ते डॉक्टरांच्या देखरेखीखाली आहेत. लवकरच ते पूर्णपणे बरे होऊन घरी परततील, अशी आशा आहे.
The post Dharmendra Health Update: ज्येष्ठ अभिनेते धर्मेंद्र यांच्याबाबतचे ‘ते’ वृत्त खोटे! सनी देओलच्या टीमने दिली आरोग्य स्थितीची माहिती appeared first on Dainik Prabhat.
Welcome to Mhnokari.in – a trusted platform committed to providing the latest, most accurate, and verified updates on government jobs, exam results, admit cards, recruitment notifications, and career opportunities across Maharashtra India. Our team prioritizes thorough research, strict fact-checking, and clear presentation to ensure every user receives reliable, easy-to-understand, and trustworthy information.
