महाराष्ट्राच्या राजकारणात अजित पवार यांच्या राष्ट्रवादी काँग्रेसमध्ये दोन रुपालींच्या वादाने लक्ष वेधले आहे. पक्षाच्या महिला अध्यक्ष आणि महिला आयोगाच्या अध्यक्षा रुपाली चाकणकर यांच्यावर केलेल्या टीकेप्रकरणी अजित पवार गटाने रुपाली पाटील यांना सात दिवसांत उत्तर देण्याची नोटीस पाठवली आहे.
फलटणमधील महिला डॉक्टरच्या मृत्यू प्रकरणात रुपाली चाकणकर यांची विधाने वादात सापडली होती. मृत महिलेचे चारित्र्य हनन केल्याचा आरोप स्वतः महिला आयोगाच्या अध्यक्षांवर झाला होता. याविरोधात रुपाली पाटील यांनी आंदोलन छेडत रुपाली चाकणकर यांच्या राजीनाम्याची मागणी केली होती.
विशेष म्हणजे, रुपाली चाकणकर यांची विधाने आपल्याला पटली नसल्याचे खुद्द अजित पवारांनीही सांगितले होते. मात्र, आता पक्षशिस्तभंगाचा ठपका ठेवत रुपाली पाटील यांच्यावरच कारवाईची नोटीस बजावण्यात आली आहे. या कारवाईतून पक्षाच्या अंतर्गत वादाचे खरे स्वरूप समोर आले आहे.
Welcome to Mhnokari.in – a trusted platform committed to providing the latest, most accurate, and verified updates on government jobs, exam results, admit cards, recruitment notifications, and career opportunities across Maharashtra India. Our team prioritizes thorough research, strict fact-checking, and clear presentation to ensure every user receives reliable, easy-to-understand, and trustworthy information.
