प्रभात वृत्तसेवा
लोणी काळभोर – कुंजीरवाडी (ता. हवेली) ग्रामपंचायत हद्दीतील एका मंगल कार्यालयातील विवाह सोहळ्यात सासरकडील मंडळींनी नवरीसाठी स्त्रीधन म्हणून केलेले सुमारे साडे सात लाखांचे सोन्या चांदीचे दागिने अज्ञात चोरट्याने चोरून नेले आहेत.याप्रकरणी नमिता सुभाष मोरे (वय. 54, रा. भेकराईनगर, हडपसर, पुणे) यांनी लोणी काळभोर पोलीस ठाण्यात फिर्याद दिली आहे. त्यानुसार अज्ञात चोरट्याच्या विरोधात गुन्हा दाखल करण्यात आला आहे.
नमित मोरे या गृहिणी असून त्यांचे पती सुभाष मोरे हे पुणे शहर आयुक्तालयात पोलीस उपनिरीक्षक पदावरून नुकतेच सेवानिवृत्त झाले आहेत. तर मुलगा अक्षय हा खासगी कंपनीमध्ये नोकरी करतो. आठ महिन्यांपूर्वी अक्षय व दीक्षा यांचा विवाह करण्याचे ठरले होते. त्याप्रमाणे मंगल कार्यालय सुद्धा बुक केले होते. फिर्यादी नमित मोरे यांनी नवरी मुलीसाठी स्त्रीधन म्हणून 5 तोळ्यांचा गंठण, 1 तोळ्याचा नेकलेस, अर्ध्या तोळ्याची अंगठी, चांदीचे पैजण, जोडवे असे चालू बाजारभावाप्रमाणे सुमारे 7 लाख 50 हजार रुपयांचे सोन्या चांदीचे दागिने बनविले होते.
कुंजीरवाडी येथील कार्यालयात विवाह सोहळा असल्याने सर्व नातेवाईक खासगी वाहनातून आले होते. त्यांच्या जवळ असलेल्या एका पर्समध्ये नवरीचे स्त्रीधन होते. अक्षय व दिक्षा यांचा रितीरिवाजाने विवाह सुरू होता. त्यावेळी गुरुजींनी नमिता मोरे यांना व्यासपीठावर बोलावले. तेव्हा नमिता मोरे यांनी त्यांच्याजवळ असलेली सोन्या चांदीच्या दागिन्यांची पर्स स्टेज जवळ मोकळ्या जागेत असलेल्या बाकावर ठेवली आणि नमिता मोरे व्यासपीठावर गेल्या. नमीता मोरे परत जागेवर आल्यानंतर त्यांना त्या बाकावर पर्स व मोबाईल चोरून नेल्याचे लक्षात आले.
The post पोलिसाच्याच घरात चोरी! पोलीस अधिकाऱ्याच्या मुलाच्या लग्नात नवरीचे दागिने लंपास appeared first on Dainik Prabhat.
Welcome to Mhnokari.in – a trusted platform committed to providing the latest, most accurate, and verified updates on government jobs, exam results, admit cards, recruitment notifications, and career opportunities across Maharashtra India. Our team prioritizes thorough research, strict fact-checking, and clear presentation to ensure every user receives reliable, easy-to-understand, and trustworthy information.
