प्रभात वृत्तसेवा
पिंपरी – सार्वजनिक ठिकाणी अनधिकृत फलक लावल्याने शहराच्या सौंदर्यात बाधा येते. त्यामुळे पिंपरी-चिंचवड महापालिकेने अनधिकृत जाहिरात फलक लावण्यास बंदी घातली आहे. मात्र, आकुर्डी येथील शुभ डेव्हलपर्सच्या वेदा गृहप्रकल्पाची विक्री करण्यासाठी विकसकाने सार्वजनिक ठिकाणावर अश्लिल जाहिरात लावली. याबाबत महापालिकेच्या आकाशचिन्ह व परवाना विभागाकडून संबंधित ५० हजाराची दंडात्मक कारवाई करत आश्लिल जाहिरात काढण्याचे निर्देश दिले आहेत.
आकुर्डी परिसरातील जुना पुणे-मुंबई महामार्गावर एका बांधकाम व्यावसायिकाने गृहप्रकल्पाचे काम सुरु केले आहे. त्या डेव्हलपर्सने आपल्या शुभ वेदा गृहप्रकल्पाची जाहिरात करण्यासाठी महिलांची अशोभनीय असलेली जाहिरात लावली आहे. शहरातील प्रमुख रस्त्यांवर अश्लील किंवा समाज मान्यतेच्या विरुद्ध जाहिराती झळकविल्यास महापालिकेच्या आकाशचिन्ह व परवाना विभागाकडून दंडात्मक कारवाई करण्यात येते. त्यानुसार आकुर्डी परिसरात शुभ वेदा प्रकल्पाने लावलेली जाहिरात आक्षेपार्ह स्वरूपाची असल्याचे निदर्शनास आल्यानंतर संबंधित जाहिरात फलक काढून टाकण्यात आला.
तसेच नियमभंग केल्याबद्दल ५० हजार रुपयांचा दंड आकारण्यात आला आहे.महापालिकेच्या आकाशचिन्ह व परवाना विभागाकडून गेल्या काही दिवसांपासून शहरातील बेकायदेशीर व अश्लील जाहिरातींवर कारवाई मोहिम राबविण्यात येत आहे. नागरिकांच्या तक्रारींनंतर प्रशासनाने या प्रकरणात तत्परतेने कारवाई केली आहे. महापालिकेने जाहिरातदारांना इशारा दिला आहे की, शहराच्या सौंदर्याला बाधा पोहोचवणाऱ्या, अशोभनीय अथवा अश्लील जाहिराती केल्यास कडक दंडात्मक कारवाई केली जाईल.
या नियमानुसार कारवाई सुरु
महाराष्ट्र राज्यातील मालमत्तेच्या विद्रुपीकरणास प्रतिबंध करण्यासाठी अधिनियम १९९५ चे कलम ३ तसेच महाराष्ट्र अधिनियमातील कलम २४४ (१) (२) (३), २४५(१) (२) आणि महानगरपालिका आकाशचिन्ह तसेच जाहिरात प्रदर्शित करण्याचे नियमन आणि नियंत्रण करणारे नियम दिनांक ९ मे २०२२ रोजीच्या अधिसूचनेनुसार तरतुदी निर्गमित करण्यात आल्या असून या नियमांचे उल्लंघन करून अनधिकृत फ्लेक्स, जाहिराती- घोषणा फलक, पोस्टर्स, किऑक्स गॅन्ट्री आदी उभारण्यात आले असल्यास संबधितांवर कारवाई करण्यात येत आहे.
“अनधिकृत जाहिरात फलक लावल्यास महापालिका नियमांनुसार कारवाई करते. शहराच्या सौंदर्याला बाधा आणून विद्रुपीकरण करणे, वाहतुकीस अडथळा निर्माण करणे, महापालिकेच्या महसुलाचे नुकसान करणे, अशावर कारवाई होत आहे. त्यानुसार आकुर्डीतील एका बिल्डरकडून साईट प्रकल्पावर विनापरवाना बॅंनर, होर्डिंग लावून आश्लिल जाहिरात केल्याची तक्रार आली होती. त्यानुसार परवाना निरीक्षकाकडून स्थळ पाहणी करुन संबंधितावर दंडात्मक कारवाई केली आहे.”
-राजेश आगळे, उपायुक्त, आकाशचिन्ह व परवाना विभाग.
The post घर विकण्यासाठी बिल्डरचा ‘अश्लील’ फंडा; मनपाने थेट ५० हजारांचा दंड ठोठावला..असं काय होतं ‘त्या’ जाहिरातीत? appeared first on Dainik Prabhat.
Welcome to Mhnokari.in – a trusted platform committed to providing the latest, most accurate, and verified updates on government jobs, exam results, admit cards, recruitment notifications, and career opportunities across Maharashtra India. Our team prioritizes thorough research, strict fact-checking, and clear presentation to ensure every user receives reliable, easy-to-understand, and trustworthy information.
