Digital arrest – दक्षिण मुंबईतील एका ६० वर्षीय व्यावसायिकाला सायबर फसवणूक करणाऱ्यांनी रात्रभर डिजिटल अटकमध्ये ठेवत, त्यांनी वरिष्ठ अधिकारी असल्याचे भासवून ५३ लाख रुपयांची फसवणूक केली, असे पोलिसांनी मंगळवारी सांगितले.
फसवणूक करणाऱ्यांनी व्यावसायिकावर मनी लाँड्रिंग प्रकरणात सहभागी असल्याचा आरोप केला, आणि दुसऱ्या दिवशी न्यायालयात ऑनलाइन जामिनाची सुनावणी असल्याचे सांगून त्याला संपूर्ण रात्र व्हिडिओ कॉलवर राहण्यास भाग पाडले. सर्वोच्च न्यायालयाची त्याला बनावट नोटीसही बजावली.
पोलिसांनी दिलेल्या माहितीनुसार, आग्रीपाडा येथील रहिवासी असलेल्या पीडिताला २ नोव्हेंबर रोजी एका अनोळखी क्रमांकावरून फोन आला आणि दूरसंचार नियामक प्राधिकरण (ट्राय) चे अधिकारी राजीव सिन्हा असे स्वतःचे नाव असलेल्या कॉलरने त्याला दोन तासांत दिल्ली पोलिसांसमोर हजर राहण्यास सांगितले. कारण, त्याच्या नावाचे सिम कार्ड फसवणुकीच्या कामांमध्ये वापरले जात होते.
पोलिसांनी सांगितले की, फसवणूक करणाऱ्यांपैकी एकाने पीडिताला सर्वोच्च न्यायालयाच्या नावाने बनावट नोटीस पाठवली, आणि बँक खात्यात पीडितेला ५३ लाख रुपये जमा करण्यास भाग पाडले गेले. काही वेळाने कॉलरने अधिक पैशांची मागणी केली तेव्हा, पीडिताला लक्षात आले की त्याची फसवणूक झाली आहे.
तो शौचालयात जाण्याच्या बहाण्याने खोलीतून बाहेर पडण्यात यशस्वी झाला आणि डिजिटल अटकेबद्दल सतर्क करण्यासाठी १९३० या पोलिस हेल्पलाइनवर कॉल केला. त्यानंतर गुन्हा दाखल करण्यात आला आणि चौकशी सुरू आहे, असे अधिकाऱ्याने सांगितले.
The post Digital arrest : व्यावसायिकाची डिजिटल अटकेतून ५३ लाखांची फसवणूक appeared first on Dainik Prabhat.
Welcome to Mhnokari.in – a trusted platform committed to providing the latest, most accurate, and verified updates on government jobs, exam results, admit cards, recruitment notifications, and career opportunities across Maharashtra India. Our team prioritizes thorough research, strict fact-checking, and clear presentation to ensure every user receives reliable, easy-to-understand, and trustworthy information.
