प्रभात वृत्तसेवा
पिंपरी – राष्‍ट्रीयकृत बँकेतून निवृत्त झालेल्‍या नागरिकाला गुंतवणुकीतून जादा परताव्‍याचे आमिष दाखवून तब्बल २१ लाख ७० हजारांची फसवणूक केली. ही घटना विशालनगर, पिंपळे निलख येथे घडली. अजय नामदेव सावरे (वय ६४, रा. विशालनगर, पिंपळे निलख) असे फसवणूक झालेल्‍या नागरिकाचे नाव आहे. पोलिसांनी विविध मोबाइल धारक महिला आणि बँक खातेदार यांच्‍या विरोधात गुन्‍हा दाखल केला आहे. ही घटना २ जुलै २०२५ ते १५ नोव्‍हेंबर २०२५ या कालावधीत पिंपळे निलख येथे ऑनलाइन माध्‍यमातून घडली.
पोलिसांनी दिलेल्‍या माहितीनुसार, फिर्यादी सावरे हे एसबीआय या राष्‍ट्रीयकृत बँकेतून निवृत्त झाले आहेत. २ जुलै रोजी त्‍यांना दोन महिलांनी संपर्क साधला. तसेच सोशल मीडिया ग्रुप प्रशासकांनी ‘उच्च परतावा’ मिळेल असे सांगत विविध मोबाइल क्रमांक व अ‍ॅप्सद्वारे फिर्यादी अजय सावरे यांना २१ जाख ७० हजार रुपये गुंतवणूक करण्यास भाग पाडले.
‘नोव्हा प्रो अ‍ॅप’ आणि बनावट ट्रेडिंग लिंक्सवरून व्यवहार करण्यास उद्युक्त करत संशयितांनी अनेक खात्यांत पैसे वर्ग करायला लावले. गुंतवणूक वाढल्याचा भास निर्माण करून रक्कम अडकल्याची माहिती त्यांनी दिली. तपास सांगवी पोलीस ठाण्‍याचे वरिष्ठ निरीक्षक जितेंद्र कोळी करीत आहेत.
The post Online Fraud : एका चुकीमुळे आयुष्यभराची कमाई गेली; गुंतवणुकीच्या आमिषाने ज्येष्ठ नागरिकाची २१ लाखांची फसवणूक appeared first on Dainik Prabhat.
Welcome to Mhnokari.in – a trusted platform committed to providing the latest, most accurate, and verified updates on government jobs, exam results, admit cards, recruitment notifications, and career opportunities across Maharashtra India. Our team prioritizes thorough research, strict fact-checking, and clear presentation to ensure every user receives reliable, easy-to-understand, and trustworthy information.
