प्रभात वृत्तसेवा
पिंपरी – पिंपरी चिंचवड महापालिकेची सार्वत्रिक निवडणूक नऊ वर्षांनंतर जानेवारी २०२६ मध्ये होत आहे. यासाठी १ जुलै २०२५ पर्यंत नोंदणी असलेल्या मतदारांना मतदान करता येणार आहे. फेब्रुवारी २०१७ नंतर होणार्‍या या निवडणुकीसाठी गेल्या ९ वर्षांत तब्बल ५ लाख २१ हजार ८०२ मतदार वाढले आहेत. नऊ वर्षांत शहर प्रचंड बदलेले आहे. शहराचा चेहरामोहरा बदलला आहे. त्या स्थितीत हे नवमतदार कोणाला मतदान करणार, त्याचा फायदा कोणत्या पक्षाला व उमेदवारांना होणार याची उत्सुकता निर्माण झाली आहे. त्यावरुन अनेक दावे-प्रतिदावे केले जात आहेत.
शहरात वेगवेगळ्या कारणांने नागरिक वास्तव्यास येण्याचे प्रमाण मोठे आहे. काम, व्यवसाय, नोकरी, शिक्षण आदींसाठी शहरात राहण्यास पसंती दिली जात आहे. पुणे तसेच, मुंबईला जोडणारे हे शहर असल्याने येथे राहण्यास मोठी पसंती दिली जात आहे. त्यामुळे शहराची लोकसंख्या वेगात वाढत आहे. शहरात नव्याने वास्तव्यास आलेले नागरिक, १८ वर्षे पूर्ण झालेले युवक व युवती, आयटी कंपन्यांतील अभियंते, महाविद्यालयीन विद्यार्थी, परप्रांतीय कामगार व मजूर, कुटुंबातील सदस्य वाढल्याने ते शहरात इतरत्र स्थलांतरीत होत आहेत, आदींमुळे मतदार संख्याही वाढत आहे.
शहरभरात स्मार्ट सिटीसह अर्बन स्ट्रीट डिजाईनची कामे सुरू आहेत. शहराचा चेहरामोहरा बदलला आहे. ज्या भागांत रस्ते नव्हते, तेथे प्रशस्त रस्ते व उड्डाणपुल तयार झाले आहेत. सन २०१७ ते २०२२ या पंचावार्षिकेत नगरसेवकांचा प्रभागात तसेच, मतदारांशी दांडगा संपर्क होता. मात्र, त्यानंतर निवडणुका न होता, त्या पुढे पुढे ढकल्या गेल्याने माजी नगरसेवक व मतदारांमधील संपर्क तुटला आहे. तसेच, पराभूत उमेदवारांशिवाय नव्या पिढीतील अनेक इच्छुक निवडणुकीसाठी गुडघ्याला बाशिंग बांधून तयार झाले आहेत.
परिणामी, प्रभागात स्पर्धकांची संख्या वाढली आहे. प्रभागात लोकवस्ती वाढून नव्याने राहण्यास आलेल्या नागरिकांमुळे मतदार संख्येत मोठी भर पडली आहे. त्यांना माजी नगरसेवकांनी केलेल्या कामांची माहिती नाही. त्यांच्यापर्यंत माजी नगरसेवक पोहचलेले नाहीत. ती वाढलेली मते कोणाच्या झोळीत पडणार, कोणाला त्याचा फटका बसणार, यावरून गणिते मांडली जात आहेत.
शहराची मिनी इंडिया म्हणून ओळख
शहरात सर्व धर्मीय नागरिक राहत असल्याने मिनी इंडिया तसेच, कॉस्मोपॅलिटीन सिटी अशी नवी ओळख निर्माण झाली आहे. असे असले तरी, गाववाल्यांचे वर्चस्व अद्याप कायम असल्याचे दावे केले जात आहेत. गाववाल्यांनी निर्णय घेतल्यास कोणत्याही पक्षाचा उमेदवार निवडून येतो, असे काहीसे चित्र अद्याप टिकून असल्याचा दावा केला जात आहे. बाहेरून आलेल्या अनेक मंडळींनी शहरात मानाचे स्थान मिळविले आहे. त्यांच्याही शब्दाला निवडणुकीत महत्व आहे. उमेदवार जिंकून येण्यात त्यांचीही साथ महत्वपूर्ण भूमिका बजावते, असे विविध निवडणूक निकालावरून स्पष्ट झाले आहे.
The post PCMC Election : महापालिका निवडणुकीत मोठा ट्विस्ट! ९ वर्षांत वाढलेले मतदार कोणाच्या पारड्यात मत टाकणार? appeared first on Dainik Prabhat.
Welcome to Mhnokari.in – a trusted platform committed to providing the latest, most accurate, and verified updates on government jobs, exam results, admit cards, recruitment notifications, and career opportunities across Maharashtra India. Our team prioritizes thorough research, strict fact-checking, and clear presentation to ensure every user receives reliable, easy-to-understand, and trustworthy information.
